سرگرمیاں

وائلڈ واٹر، اسٹیٹ آف دی ورلڈز واٹر 2017 کے مطابق، بھارت میں دیہی علاقوں میں سب سے زیادہ افراد—63.4 ملین—صاف پینے کے پانی تک رسائی کے بغیر زندگی  گزار رہے ہیں۔ اس ضرورت  کو  ‏محسوس  کرتے  ہوئے، جامعہ اکل  کوا،   صاف پینے کے پانی کی  اپنی اسکیم کے ذریعے دور دراز علاقوں میں صاف  پانی فراہم کر رہاہے۔

جامعہ نے بھارت کی 16 ریاستوں میں 11,602 منصوبے کامیابی کے ساتھ مکمل کیے ہیں، جن کے تحت بور ویل کھودے گئے، پانی کے ہینڈ پمپ لگائے گئے، اور پانی کے ٹینک تعمیر کیے گئے ہیں۔

کل تکمیل شدہ منصوبوں کی تعداد: 11,602

بھارت میں بیواؤں کی حالت اکثر سنگین ہوتی ہے، کیونکہ بہت  ساری خواتین اپنے شوہروں کی وفات کے بعد تنہائی اور غربت میں زندگی گزارتی ہیں۔ سپریم کورٹ کے فیصلوں کے باوجود، ریاستی حکومتیں بیواؤں کی فلاح و بہبود میں زیادہ دلچسپی نہیں دکھاتیں۔  جامعہ اپنی    استطاعت   کے مطابق ان خواتین کی مدد اور ان کے معیار زندگی کو بہتر بنانے کیلئے بیواؤں کی پنشن پروگرام چلا رہی ہے۔

پروگرام کی تفصیلات:

• اس وقت 1,000 غریب بیوائیں اس پروگرام میں رجسٹرڈ ہیں۔
• ہم ماہانہ  ان کے نمائندوں کے ذریعے،   یا   براہ راست  دست  بدست، یابراہ  راست  ان کے بینک کھاتوں میں پیسے  ٹرانسفر کرتے ہیں۔
• رمضان  المبارک  کی  مبارک  ساعتیں  بحسن    و  خوبی  اورسکون  و  اطمینان  سے  گزارنے کیلئے خصوصی مالی امداد بھی فراہم کی جاتی ہے۔
• تمام مستفیدین کا مکمل ریکارڈ محفوظ رکھا جاتا ہے۔

کل مستفیدین کی تعداد:   1,000

2011 کی مردم شماری کے مطابق، بھارت میں اسلام دوسرا سب سے بڑا مذہب ہے، جس کے ماننے والوں کی تعداد 172 ملین ہے۔ اسلامی کمیونٹی سینٹرز انسانیت، اخلاقیات اور روحانیت کو فروغ دینے میں اہم کردار ادا کرتے ہیں۔ یہ مراکز کمزور طبقوں کی مدد اور ذمہ دار شہری بنانے  میں بھی معاون ہوتے ہیں۔

یہ مراکز درج ذیل خدمات فراہم کرتے ہیں:

• سماجی اجتماعات کیلئے جگہ
• شعور بیدار کرنے کی سرگرمیاں
• اجتماعی عبادات
• ثقافتی سرگرمیاں
• سماجی مسائل کے حل کیلئے معاونت

جامعہ نے پسماندہ علاقوں میں 7,380 کمیونٹی سینٹرز قائم کیے ہیں تاکہ غریب کمیونٹیز کی ضروریات کو پورا کیا جا سکے۔ یہ مراکز سماجی میل جول، آگاہی  مشن، ابتدائی تعلیم، اور دیگر ترقیاتی سرگرمیوں کیلئے جگہ فراہم کرتے ہیں۔

تکمیل شدہ منصوبوں کی تعداد:  7,380

بھارت کی مضبوط معاشی کارکردگی کے باوجود، 2024 کے "ایف اے او” کے تخمینے کے مطابق 22 کروڑ 43 لاکھ سے زیادہ لوگ غذائی قلت  کے  شکار  ہیں۔ یہ بھارت کی کل آبادی کا 16فی  صد ہے، اور گلوبل ہنگر انڈیکس 2024 میں بھارت 127 ممالک میں سے 105ویں نمبر پر ہے۔

اس چیلنج کے جواب میں، جامعہ نے مختلف منصوبوں کے تحت 30,000 سے زیادہ فوڈ کٹس تقسیم کی ہیں، اور اپنی استطاعت کے مطابق اس سنگین مسئلے کو حل کرنے کی کوشش کی ہے۔ تاہم، بھارت میں بھوک کے خاتمے کیلئے ابھی بہت کچھ کرنا باقی ہے۔

فوڈ کٹس سے مستفید ہونے والے افراد کی کل تعداد: 1,50,000

بھارت میں دنیا بھر کے مقابلے سب سے زیادہ بچے تعلیم سے دور ہیں۔ یونیسکو کے مطابق، 4 کروڑ 70 لاکھ اسکول جانے کی عمر کے بچے تعلیم حاصل نہیں کر رہے  ہیں۔ اسی  کے  پیش  نظر، جامعہ اسلامیہ اشاعت العلوم اکل کوا نے مہاراشٹر کے ضلع نندوربار کے قبائلی علاقوں میں 10,684 آدیواسی طلبہ کو اسکول بیگ فراہم کیے، تاکہ سب کیلئے معیاری اور قابل رسائی پرائمری تعلیم کو فروغ دیا جا سکے۔

کل مستفید طلبہ: 10,684

جامعہ اپنے بانی مولانا غلام محمد وستانوی کی بصیرت افروز قیادت میں، بلا تفریق غریبوں اور ضرورت مندوں کی خدمت کے لیے ہمہ وقت مصروفِ عمل ہے۔ اپنے جاری امدادی منصوبوں کے تحت جامعہ نے بہار کے سیلاب متاثرین میں دس ہزار خوراک کٹس، جن میں ضروری ادویات بھی شامل تھیں، کامیابی کے ساتھ تقسیم کیں۔ ان متاثرین کے لیے، جو سب کچھ کھو چکے تھے اور موسمی بیماریوں کے ساتھ شدید سردی کا سامنا کر رہے تھے، گرم کپڑوں اور کمبلوں کی فوری ضرورت کو مدنظر رکھتے ہوئے، جامعہ کے فلاحی شعبے نے ایک اور تقسیم مہم کا اہتمام کیا،   چنانچہ، 2017 میں رضاکاروں، اساتذہ، طلبہ، اور خیرخواہوں کے تعاون سے جامعہ نے ارریہ اور پورنیہ کے 14 دیہاتوں میں خواتین، بچوں، اور بزرگوں کے لیے تین ہزار کپڑوں کے کٹس تقسیم کیے۔ ہر کٹ میں چھ ملبوسات اور ایک کمبل شامل تھا۔

جامعہ کی ان بے لوث خدمات سے مستفید ہونے والوں کی مجموعی تعداد پچاس ہزار (50,000)  تک پہنچ چکی ہے۔

ہندوستان میں ہنر مند افرادی قوت کی تشکیل کے لیے پیشہ  ورانہ تعلیم بنیادی حیثیت رکھتی ہے، جو نہ صرف روزگار کے مواقع پیدا کرتی ہے بلکہ معیارِ زندگی کو بھی بہتر بناتی ہے۔ اعداد و شمار کے مطابق، ملک کی                                                                                90 فیصد   آبادی  محنت  کش  روزگار   پر مبنی کاموں میں مصروف ہے، مگر ان میں سے اکثریت پیشہ  ورانہ  تعلیمی تربیت سے محروم ہے۔

اسی خلا کو پُر کرنے کے لیے جامعہ اپنے کیمپس اور دیہی مراکز میں پیشہ  ورانہ تربیتی پروگرام پیش کرتا ہے، جن میں چشمہ سازی، جلد سازی، سلائی، اور بیوٹیشن جیسے کورسز شامل ہیں۔ یہ پروگرام نوجوانوں کو عملی مہارتیں   اور  ہنر  فراہم کر کے انہیں خود کفیل اور باوقار زندگی گزارنے کے قابل بناتے ہیں۔ جامعہ کا یہ اقدام نہ صرف نوجوانوں کو روشن مستقبل کی جانب گامزن کرتا ہے بلکہ ملک کی ترقی میں بھی اہم کردار ادا کرتا ہے۔

دنیا بھر میں تقریباً 200 ملین بچے اپنے والد یا والدہ، یا دونوں سے محروم ہو چکے ہیں۔ ان میں سے اکثر پہلے ہی غربت اور پسماندہ حالات میں زندگی بسر کر رہے ہیں۔ والدین کی عدم موجودگی ان بچوں کی تعلیم، محفوظ رہائش، متوازن خوراک، اور بہتر مستقبل تک رسائی کو محدود کر دیتی ہے۔ ان کے لیے امداد فراہم کرنا ہم سب کی اجتماعی ذمہ داری ہے۔

جامعہ اسلامیہ اشاعت العلوم اس مشن کو لے کر ایک جامع اسپانسرشپ پروگرام چلا رہا ہے، جس کے تحت اب تک 3,500 یتیم بچوں کو معیاری تعلیم اور فلاحی امداد فراہم کی جا چکی ہے۔ اس کے علاوہ، میرٹ پر مبنی اسکالرشپ پروگرام کے ذریعے معاشی طور پر کمزور طلبہ، بالخصوص پیشہ ورانہ کورسز کرنے والے نوجوانوں کو اعلیٰ تعلیم کے مواقع دیے جاتے ہیں۔ یہ اسکالرشپ سماجی پس منظر اور مالی ضروریات کو مدنظر رکھتے ہوئے طلبہ کو ان کے خوابوں کی تعبیر میں مددگار ثابت ہوتی ہیں۔

کل مستفیدین: 43,600 طلبہ، جن میں 3,500 یتیم بچے شامل ہیں۔