مدرسہ کے طلباء کے لیے عصری تعلیم

جامعہ اشاعت العلوم اکل کوا ایک رجسٹرڈ غیر منافع بخش تعلیمی اور فلاحی ٹرسٹ ہے، جس میں 12,887 سے زائد طلباء تعلیم حاصل کرتے ہیں اور ایک ہی کیمپس میں مختلف دارالاقاموں میں رہائش پذیر ہیں۔ 1400ہجری (1979 عیسوی) میں صرف ایک استاد اور چھ طلباء سے شروع ہونے والا جامعہ ایک چھوٹے سے مدرسے یا مکتب سے ترقی کرکے ایک بڑا ممتاز تعلیمی ادارہ بن چکا ہے۔

1979 عیسوی میں جامعہ کا آغاز ایک سادہ اقدام کے طور پر اکل کوا گاؤں میں ہوا تھا، لیکن وقت کے ساتھ جامعہ نے اس علاقے کو علم کا ایک مرکز و منبع بنا دیا ، جو پورے ملک سے طلباء کو تعلیمی ضرورت کو پورا کرنے کے لیے متوجہ کر رہا ہے۔ جامعہ میں مختلف کالج اور ادارے اپنی تعلیمی خدمات پیش کر رہے ہیں، جن میں انجینئرنگ، یونانی (ہربل) طب (BUMS)، فارمیسی (ڈپلومہ، بیچلر، ماسٹرز اور پی ایچ ڈی)، ٹیچر ٹریننگ (D.Ed اور B.Ed)، پولی ٹیکنک اور انڈسٹریل ٹریننگ انسٹی ٹیوٹس وغیرہ شامل ہیں۔ جامعہ مختلف مقامی زبانوں میں پرائمری، سیکنڈری اور ہائر اسکول کی تعلیم بھی فراہم کرتا ہے۔

تعلیم کو فروغ دینے اور انسانی اقدار کو بہتر بنانے کے لیے ، جامعہ نے مختلف تعلیمی، فلاحی، اور ترقیاتی شعبوں میں قابل ذکرکامیابیاں حاصل کی ہیں۔ جامعہ کی انسانی فلاحی خدمات کا دائرہ ملک کی کئی ریاستوں تک پھیلا ہوا ہے، جس کے نتیجے میں انقلابی تبدیلیاں رونما ہوئی ہیں۔